विश्वकप क्रिकेटःपाकिस्तान र अफगानिस्तान प्रतिस्पर्धा गर्दै

विदुर खबर २०७६ असार १४ गते ११:४८

नुवाकोट असार १४, आईसीसी विश्वकप अन्तर्गत शनिबार हुने पहिलो खेलमा पाकिस्तान र अफगानिस्तान प्रतिस्पर्धा गर्दैछन् । आजको खेलमा पाकिस्तान विजयी हुँदै सेमिफाइनलको यात्रा बलियो बनाउन चाहन्छ भने अफगानिस्तान पहिलो जितको खोजीमा रहनेछ ।

Advertisement

विश्वकपमा सहभागिता जनाउनु अघि नौवटा प्रतिद्वन्द्वी मध्ये कम्तीमा दुई वटा टिमलाई हराउने लक्ष्यका साथ इंग्ल्याण्ड आएको अफगानिस्तानले सात खेल खेलिसक्यो । तर उसले एउटा पनि खेल जित्न सकेको छैन ।

न त अफगानिस्तानको कुनै खेलमा वर्षा नै भयो । एक अंक पनि जोड्न नसकेको अफगानिस्तान तालिकाको पुछारमा छ र विश्वकपको सेमिफाइनलमा नपुग्ने निश्चित नै भइसक्यो । यो विश्वकपमा खासै राम्रो खेल्न नसकेको अफगानिस्तानले भारतलाई भने कडा टक्कर दिएको थियो ।

Advertisement

आजको खेलमा अफगानिस्तानले छिमेकी देश पाकिस्तानसँग प्रतिस्पर्धा गर्दैछ । यो खेल लिड्समा नेपाली समय अनुसार सवा तीन बजे सुरु हुनेछ । छिमेकी हुने बित्तिकै यो प्रतिस्पर्धा जित–हारमा मात्र सीमित हुनेछैन । यो खेलमा दुई छिमेकीको प्रतिष्ठा पनि जोडिएको हुनेछ ।

प्रतिक्रिया