रामहरि आचायको “ऐतिहासिक नुवाकोट भाग–१” लोकार्पण

नुवाकोट । नुवाकोटका शिक्षक रामहरि आचार्यद्वारा लिखित नुवाकोटको इतिहास समेटिएको पुस्तक “ऐतिहासिक नुवाकोट भाग–१” लोकार्पण गरिएको छ ।

आईतवार जीवितदेवी कुमारी प्रार्थी डङ्गोल, विदुर नगरपालिकाका प्रमुख राजन श्रेष्ठ, उपप्रमुख प्रभा बोगटी, विदुर १ का वडाध्यक्ष लेनिन रन्जित, वडा नम्बर २ का वडाध्यक्ष दिपक कायस्थ र भैरवी माध्यमिक विद्यालय व्यवस्थापन समितिका अध्यक्ष श्यामराज पाण्डेलगायतले संयुक्त रूपमा पुस्तकको लोकार्पण गरेका हुन् ।

नुवाकोटको विवरणात्मक इतिहास समेटिएको पुस्तकमा जिल्लाको ऐतिहासिक र सांस्कृतिक, पक्ष्हरुको विस्तृत विवरण समेटिएको छ ।

लेखक आचार्यले नुवाकोटको समृद्ध इतिहासलाई व्यवस्थित र प्रमाणिक रूपमा प्रस्तुत गर्न खोजेको बताएका छन् ।
लोकार्पण समारोह कार्यक्रममा टिप्पणीकारहरुले पुस्तकले नुवाकोटको ऐतिहासिक पहिचान संरक्षणमा योगदान पु¥याउने विश्वास व्यक्त गरेका छन् ।

पुस्तकको मूल्य एक हजार रुपैयाँ रहेको छ ।