देशका विभिन्न स्थानमा वर्षाको सम्भावना

नुवाकोट । देशभर मनसुनी वायुको प्रभाव कायमै रहेको छ। मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानको आसपास रहेको छ।

हाल हिमाली तथा पहाडी भूभागमा सामान्यतया बदली रही कोशी, बागमती र कर्णाली प्रदेशका केही स्थानमा चट्याङसहित हल्कादेखि मध्यम वर्षा भइरहेको छ।

आज दिउँसो हिमाली तथा पहाडी भूभागका थोरै स्थानमा चट्याङसहित मध्यम वर्षाको सम्भावना छ। यस्तै, कोशी, मधेश र बागमती प्रदेशका तराई क्षेत्रमा केही स्थान तथा गण्डकी, लुम्बिनी र सुदूरपश्चिमका तराई क्षेत्रमा एक–दुई स्थानमा पनि वर्षा हुन सक्ने महाशाखाले जनाएको छ।

आज राति पनि देशभर सामान्य बदली रहनेछ। कोशी, बागमती र गण्डकीका हिमाली तथा पहाडी क्षेत्रमा केही स्थानमा तथा अन्य प्रदेशका पहाडी क्षेत्रमा थोरै स्थानमा चट्याङसहित मध्यम वर्षाको सम्भावना रहेको छ।