सिंगापुरद्धारा नेपालसामु एकसय ९२ रनको लक्ष्य प्रस्तुत

नुवाकोट, आईसीसी टी-ट्वान्टी विश्वकप छनोट अन्तर्गतको एसिया फाइनलको अन्तिम खेलमा नेपाललाई घरेलु टोली सिंगापुरले जितका लागि एकसय ९२ रनको फराकिलो लक्ष्य प्रस्तुत गरेको छ ।

ईण्डियन एसोसियसन क्रिकेट मैदानमा टस जितेर पहिले ब्याटिङ गरेको सिंगापुरले २० ओभरमा ६ विकेट गुमाएर १९१ रन बनायो ।  सिंगापुरका लागि टिम डाभिडले ७७ रनको अर्धशतकीय इनिङ्स खेले । यस्तै रोहन रंगराजनले ४९ रन जोड्दा मन्प्रित सिंहले ४२ रन जोडे ।

नेपालका अविनास बोहराले ४ विकेट लिए । करण केसीले २ विकेट लिए ।नेपाललाई आजको खेल निकै महत्वपूर्ण रहेको छ । विश्वकपको ग्लोबल छनोटमा पुग्न नेपाललाई जित्नै पर्ने बाध्यता छ । सिंगापुर पनि नेपाललाई हराएर ग्लोबल छनोटमा पुग्न चाहन्छ ।