उपमेयर कप भलिवलको उपाधिको लागि न्यु डाइमण्ड र एपिएफ भिड्दै

नुवाकोट असार २, नुवाकोटमा जारी प्रथम उपमेयर कप महिला भलिवल प्रतियोगिताको उपाधिका लागि आज न्यु डाइमण्ड एकेडेमी काठमाण्डौ र सशस्त्र प्रहरीको नेपाल एपिएफ क्लबबीच प्रतिष्पर्धा हुँदैछ ।

जिल्ला खेलकुद विकास समितिको मैदान कोलनीमा दिउँसो तीनबजेपछि हुने खेलको विजेताले एकलाख ५० हजार रुपैयाँ प्राप्त गर्नेछ भने उपविजेता टिमले ७५ हजार रुपैयाँ हात पार्नेछ । ७ टिमले सहभागिता जनाएको प्रतियोगिता गत बिहिबारबाट शुरु भएको हो ।