नुवाकोट गोल्डकप जेष्ठ २० गतेबाट

नुवाकोट जेठ ७, दोश्रो नुवाकोट गोल्डकप फुटबल प्रतियोगिता जेष्ठ २० गतेबाट हुने भएको छ ।

यही जेष्ठ ५ गते प्रतियोगिता मुल आयोजक समितीको संयोजक बुद्धि बहादुर प्रधानको अध्यक्षतामा बसेको बैठकले विभिन्न निर्णयहरु पारित गर्दै दोश्रो नुवाकोट गोल्डकप फुटबल गर्ने घोषण गरेको प्रचार प्रसार संयोजक बिजय गुरुङले जानकारी गराए ।

साथै गुरुङले विभिन्न उपसमितिहरु र त्यसको संयोजकहरु तोक्दै जिम्मेवारी समेत छुट्टाइएको बताए ।यही जेष्ठ २० गते देखि २९ गते बट्टार क्याम्पसको खेल मैदानमा दश दिनसम्म चल्ने प्रतियोगितामा दर्शकको लगि टिकट दर रु १०० र २०० का दरले कायम गर्ने र यसमा हेरफेर समेत हुन सक्ने निर्णय पनि उक्त बैठकले गरेको छ ।