नुवाकोटे टाईगर(कमल लामा) सहित आठ देशका रेस्लरहरु शनिबार भिड्दै

नुवाकोट वैशाख २७, नेपाल रिङ रेस्लिङ संघले आयोजना गरेको एम के डब्लु बेल्ट एन्ड रोड च्याम्पियनसिपमा आठ देशका चर्चित रेस्लरहरु भिड्ने भएको छ ।

काठमाडौको दसरथ रङगशालाको कभर्डहलमा हुने च्याम्पियनसिपमा अमेरिका , युके , चीन , हङकङ , नेपाल लगायतका ८ देशका रेस्लरहरुको भिडन्त रहने भएको छ । नेपाललका रेस्लरहरु मध्ये नुवाकोटे टाईगर कमल लामाले उत्कृष्ट प्रदर्शन गर्ने खेल प्रेमीहरुको दावी रहेको छ । टाईगरले रसियामा भएको च्याम्पियनसिप , चीनमा भएको च्याम्पियनसिप , अमेरिकामा भएको विभिन्न च्याम्पियनसिपहरु आफ्नो बनाउन सफल भएको देखिन्छ । यसै अनुसार टाईगरको गेम हेर्न दर्शकहरुको भिड लाग्ने आयोजक टिमले आशा व्यक्त गरेका छन् ।