संखुवासभामा पुस्तकालय स्थापना

नुवाकाेट । संखुवासभाको मकालु गाउँपालिका ३ उवा अबस्थित श्री पाथीभरा आधारभूत विद्यालयमा पुस्तकालय स्थापना गरिएको छ।

साब्लाबुङ पुस्तकालय अभियान नेपाल हङकङद्वारा पचाहत्तर हजार रुपैयाँ बराबरको ४२० थान प्रदान गरेर साब्लाबुङ पुस्तकालय स्थापना गरेको छ । पुस्तकालय स्थापना साब्लाबुङ पुस्तकालय अभियान संखुवासभा जिल्ला प्रतिनिधि मानदेव प्यासीको उपस्थितिमा सम्पन्न भएको हो।

यस पुस्तकालय स्थापना पश्चत विद्यार्थी तथा अभिभावकहरुलाई प्रत्यक्ष सिकाइमा टेवा पुग्नुका साथै समाज परिवर्तन हुने कुरा विद्यालयका ब्यबस्थापन समितिका अध्यक्ष रोशन राईले बताए ।

कार्यक्रममा श्रस्टा सम्मान गरिएको छ। साब्लाबुङ पुस्तकालय अभियानका प्रमुख साहित्यकार राजकुमार राई र श्री पाथीभरा आधारभूत विद्यालायका पुर्व प्रधानाध्यापक तथा श्रस्टा मानदेव प्यासीलाई सम्मानपत्रद्वारा सम्मान गरेको विद्यारलयका प्रधानाध्यापक भुवनसिङ राईले बताए ।

पुस्तकालय स्थापना भएकोमा साब्लाबुङ परिवारलाई शिक्षक अभिभावक संघ संयोजक कालुमान राईले धन्यवाद प्रकट गरे ।