पोखरा प्रिमिएर लिग : उपाधिका लागि चितवन र पोखरा भिड्ने

कास्की , पोखरामा जारी पोखरा प्रिमियर लिग (पिपिएल) क्रिकेट प्रतियोगिताको उपाधिका लागि पोखरा पल्टन र चितवन राइनोज प्रतिष्पर्धा गर्ने भएका छन् ।

आइतबार भएको इलिमिनेटर खेलमा चितवनले हुलास काठमाडौँ रोयल्सलाई छ विकेटले पराजित गर्दै  फाइनलका लागि स्थान पक्का गरेको हो । राउण्ड रोबिन लिगबाट पोखरा अंक तालिकाको शिर्ष स्थानमा रहँदै सोझै फाइनल प्रवेश गरेको थियो ।

फाइनल प्रवेशको लागि ९५ रनको सामान्य लक्ष्य पाएको चितवनले स्मित पटेलको ३८ र हरिशङ्कर शाहको २६ रनको मद्दतले १८ ओभरकोे दोस्रो बलमा लक्ष्य पूरा गरेको थियो ।