नुवाकोटकी पुष्पकाले स्वर्ण जितिन्

नुवाकोट । काठमाण्डौमा जारी सातौं दक्षिण एसियाली कराँते च्याम्पियनसिप नुवाकोटकी कराते खेलाडी पुष्पका लामाले स्वर्ण हात पारेकी छिन् ।

नुवाकोटको बेलकोटगढी नगरपालिका वडा नम्बर ९ कि पष्पका लामाले महिला ५० केजीमुनिको तौल समहुमा नेपालको लागि स्वर्ण पदक हात पारेकी हुन् ।

पुष्पकाले फाइनलमा भारतकी ज्योतिलाई पराजित गर्दै स्वर्ण पदक हात पारेकी हुन् ।

नेपालले सातौं दक्षिण एसियाली कराँते च्याम्पियनसिपको पहिलो दिन शनिबार १२ स्वर्ण जितेको छ भने छिमेकी भारतले भने १५ स्वर्णमाथि कब्जा जमायो । पहिलो दिन २९ स्वर्णको टुंगो लाग्दा श्रीलंका र बंगलादेशले समान १–१ स्वर्ण हात पारे ।

नेपाल कराँते महासंघद्वारा आयोजित प्रतियोगितामा नेपालसहित, भारत, बंगलादेश, श्रीलंका, भुटान र पाकिस्तानबाट १ सय ३ महिला र १ सय ३४ पुरुष गरी २ सय ३७ खेलाडी सहभागी छन् ।

आज सम्पन्न हुने प्रतियोगितामा ६२ स्पर्धामा प्रतिस्पर्धा भइरहेको छ ।