एशिया कपमा आज नेपाल र भारत भिड्दै

विदुर खबर २०८० भदौ १८ गते ९:१२

नुवाकोट । एशिया कप क्रिकेटमा आज नेपाल र भारत एक आपसमा भिड्दैछन्।

खेल श्रीलंकाको पल्लेकेले रंगशालामा नेपाली समय अनुसार दिनको सवा तीन बजे शुरु हुनेछ। समूह चरणको दोस्रो चरण तथा अन्तिम खेलमा विजयी मुलुक सुपर फोरमा प्रवेश गर्नेछ। विश्वको ठूलो टिम भारतको सामना नेपालले पहिलो पटक गर्न लागेको हो।

एउटै समूहमा रहेको पाकिस्तान, पहिलो खेलमा जित हासिल गर्दै सुपर फोरमा प्रवेश गरिसकेको छ। त्यसैगरी, वर्षाका कारण प्रभावित खेलमा भारतले १ अंक कमाएको थियो। नेपाल भने हालसम्म अंकबिहिन छ।