घटनाको दोषीलाई कारवाही गर : नुवाकोट क्रिकेट संघ

नुवाकोट । नुवाकोट क्रिकेट संघका अध्यक्ष तथा नेपाल क्रिकेट संघका कार्यवाहक सचिव दुर्गाराज पाठकमाथि मोबिल छ्यापिएको घटना निन्दनीय भएको नुवाकोट क्रिकेट संघले जनाएको छ ।

शनिवार विहान मकवानपुरको हेटौडामा जिल्ला क्रिकेट संघ मकवानपुरको आठौं साधारण सभा तथा चौथो अधिवेशनमा सहभागी हुन पुगेका पाठकमाथि अज्ञात समूहले मोबिल छ्यापेको भन्दै घटनाको दोषीलाई कारवाही गर्न नुवाकोट क्रिकेट संघले माग गरेको हो ।

नुवाकोट क्रिकेट संघका सचिव करण खतिवडाले जारी गरेको प्रेस विज्ञप्तीमा घटनाको सत्यतथ्य जाँच गरि कारवाहीको माग गरिएको छ । यस्ता गतिविधिले खेलकुद क्षेत्रलाई निरुत्साहित गर्ने भन्दै घटनाको नुवाकोट क्रिकेट संघले खेद प्रकट गरेको छ ।

 

पाठकलाई स्कुटरमा आएका दुई जनाले खाना आइरहेको बेलामा मोबिल छ्यापेर भागेक थिए । घटनापछि प्रहरीले मोबिल छ्याप्ने व्यक्तिहरूको खोजी गरिरहेको छ।