नुवाकोट । विश्वकप छनोट क्रिकेटमा अमेरिकासँगको खेलमा नेपालले जित हासिल गरेको छ ।अमेरिका विरुद्धको खेलमा नेपाल ६ विकेटले विजयी भएको हो ।

Advertisement

जिम्बाव्वेमा जितका लागि पाएको २०८ रनको लक्ष्य नेपालले ४३ ओभरमा ४ विकेट गुमाउँदै पायाे । भीम सार्कीले नट आउट ७७ रन बनाउँदा नेपालले जीत हासिल गरेकाे हाे । उनले ११४ बल खेल्दा ७ चौका र १ छक्का हानेका थिए ।

जिम्बावेको हिरारेस्थित ताकसिङ्गा स्पोर्टस क्लबमा मंगलबार नेपालले अमेरिकाविरुद्ध टस जितेर पहिले बलिङ गरेको थियाे । ब्याटिङ थालेको  अमेरिकाले अन्तिम ओभर खेल्नुअघि सबै विकेट गुमाएर २०७ रन बनाएको थियो जसमा सयन जंहागीरले १०० रन बनाए । खेलमा करण केसी एक्लैले ४ विकेट लिएका थिए । त्यस्तै गुल्सन झाले ३ र दीपेन्द्र सिंह ऐरीले २ र ललित राजवंशीले एक विकेट लिए ।

Advertisement

त्यसैगरी, ओपनर कुशद भुर्तेल ५४ बलमा ४ चौका र एक छक्का हान्दै ३९ रन जोडेर बाहिरिएका थिए । आसिफ शेख १६ बलमा २ चौकासहित १२ रनमा आउट हुँदा, कप्तान रोहित पौडेलले १६ रन र कुशल मल्ले १३ रन बनाए । दीपेन्द्रसिंह ऐरी ३२ बलमा ५ चौका र एक छक्का हानेर ३९ रनमा अविजित रहे ।

सन्दीप लामिछानेले भने आज एक विकेट पनि लिएनन् । उनले १० ओभर बलिङ गर्दा ५८ रन बनाएका थिए ।