बतास फाउन्डेसनद्धारा नौकुण्डका २० घरधुरीलाई आर्थिक सहयोग

रसुवा । बतास फाउन्डेसनले रसुवाका २० घरधुरीलाई ४० हजारका दरले आर्थिक सहयोग गरेको छ ।

फाउन्डेसनले नौकुन्ड गाउपालिका वडा ५ मा सुरक्षित स्वास्थ्य र उत्थानशिल समुदायमा संचालन गरिरहेको परियोजना अन्तर्गत जिविकापार्जन खण्डबाट नौकुण्ड गाउँपालिका वडा नम्बर ५ मा कृषि क्षेत्रमा लगनशिलता र उत्पादन उन्मुख व्यवसायलाई प्रोत्साहन गर्न आर्थिक सहयोग उपलब्ध गराएको हो ।

वडा नम्बर ५ का स्थानियको जिविकोपार्जनमा यस्ता संघसंस्थाको सहयोगले महत्वपुर्ण भुमिका खेल्ने नौकुण्ड गाउँपालिका वडा नम्बर ५ का वडा सदस्य डिबराज न्यौपानेले जानकारी दिए ।

कार्यक्रममा वडा नम्बर ५ का वडा अध्यक्ष श्यामबहादुर थिङ लगायतको उपस्थिति रहेको थियो ।