रसुवामा १५ सय भन्दा बढी कोरोना संक्रमित निको भए

रसुवा । रसुवामा १५ सय भन्दा बढी कोरोना संक्रमित निको भएका छन् । 

स्वास्थ्य कार्यालय रसुवाका अनुसार जिल्लामा हालसम्म १५ सय ४० जना संक्रमित निको भएका छन् । रसुवामा हालसम्म १ हजार ६ सय १२ जनामा कोरोना पुष्टि भएको थियो ।

जिल्लामा हाल सक्रिय कोरोना संक्रमितको संख्या ७० पुगेको छ । कार्यालय अनुसार कालिका गाउँपालिकामा ३६, गोसाइकुण्डमा ८, उत्तरगयामा २४ र नौकुण्डमा २ संक्रमित रहेका छन् ।  सबै संक्रमित होम आइसोलेसनमा बसेका छन् । 

जिल्लामा हालसम्म ५ हजार ३ सय ६७ वटा स्वाव संकलन गरिएकोमा ३ हजार ७ सय ५५ नेगेटिभ र १ हजार ६ सय १२ पोजेटिभ आएको थियो ।