रसुवामा सक्रिय कोरोना संक्रमितको संख्या २८ पुग्यो

रसुवा । रसुवामा सक्रिय कोरोना संक्रमितको संख्या २८ पुगेको छ ।  मंगलबार १३ जना संक्रमित थपिएसँगै सक्रिय संक्रमितको सङ्ख्या २८ पुगेको हो । 

स्वास्थ्य कार्यालय रसुवाका अनुसार कालिका गाउँपालिकामा २०, गोसाइकुण्डमा २ र उत्तरगयामा ६ जना संक्रमित रहेका छन् ।  सबै संक्रमित होम आइसोलेसनमा बसेका छन् । 

रसुवामा हालसम्म १ हजार ३ सय ६१ जनामा कोरोना पुष्टि भएको थियो । जसमा १ हजार ३ सय ३१ जना निको भएका छन् । जिल्लामा हालसम्म ४ हजार ८ सय ८७ वटा स्वाव संकलन गरिएकोमा ३ हजार ५ सय २६ नेगेटिभ र १ हजार ३ सय ६१ पोजेटिभ आएको थियो ।