ढुङ्गाले लागेर रसुवामा एक शिक्षकको मृत्यु

रसुवा । लाङटाङ घुमेर फर्किने क्रममा बाटो माथि वाट झरेको ढुङ्गाले लाग्दा एक शिक्षकको मृत्यु भएको छ ।

जिल्ला प्रहरी कार्यालय रसुवाका अनुसार भक्तपुरको काडांघारी स्थित न्यु स्टार पोल बोडिङ स्कुलका चार जना शिक्षकहरू साउन २६ गते लाङटाङ घुम्न पुगेका थिए । घुमेर फर्कने क्रममा लामा होटेल र स्याफ्रुको बिचमा पर्ने रिमुचे भन्ने स्थानमा माथि वाट झरेको ढुङ्गाले लाग्दा धादिङका ४५ वर्षीय राजु लामाको मृत्यु भएको हो ।

प्रहरी नायव उपरीक्षक देवेन्द्र पाण्डेका अनुसार घटना भएको थाहा पाउँदा साथ तत्कालै प्रहरी र सेना परिचालन गरी उद्धार गरी जिल्ला अस्पताल धुन्चेमा ल्याई मृतक लाई पोस्टमार्टम गर्दा टाउकोमा चोट र घाँटीको स्पाइनल हड्डी भाँचिएर मृत्यु भएको बत्ताइएको छ । घाइते भनिएता पनि उनको घटना स्थलमा नै मृत्यु भइसकेको थियो ।

उद्धारमा कठिन भएका कारण साउन ३२ गते जिल्ला अस्पतालमा ल्याई पोस्टमार्टम गरेर मृतकका आफन्त लाई जिम्मा लगाइएको र अरू तिन शिक्षक सकुशल रहेका छन् ।