रसुवामा सक्रिय कोरोना संक्रमितको संख्या ४६ पुग्यो

रसुवा। रसुवामा सक्रिय कोरोना संक्रमितको संख्या ४६ पुगेको छ ।

सोमबार १ जना संक्रमित थपिसँगै सक्रिय कोरोना संक्रमितको संख्या ४६ पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा ७ र कालिकामा ३९ जना रहेका छन् । संक्रमितहरूमध्ये २जना संस्थागत ४४ जना होम आइसोलेसनमा बसेका छन् ।

रसुवामा हालसम्म १ हजार २ सय ५० जनामा कोरोना पुष्टि भएको थियो । जसमा १ हजार २ सय २ जना निको भएका छन् ।

जिल्लामा हालसम्म ४ हजार १ सय ३३ वटा स्वाव संकलन गरिएकोमा २ हजार ८ सय ८३  नेगेटिभ र १ हजार २ सय ५० पोजेटिभ आएको थियो ।