रसुवामा सक्रिय कोरोना संक्रमित घटे

रसुवा ।  रसुवामा सक्रिय कोरोना संक्रमितको संख्या ५८ पुगेको छ ।

मंगलबार २ जना संक्रमित थपिसँगै सक्रिय कोरोना संक्रमितको संख्या ५८ पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा १, कालिकामा ४१, उत्तरगयामा १५ र नौकुण्डमा १ जना रहेका छन् । संक्रमितहरूमध्ये १ जना संस्थागत र ५७ जना होम आइसोलेसनमा बसेका छन् ।

रसुवामा हालसम्म १ हजार २ सय २ जनामा कोरोना पुष्टि भएको थियो । जसमा १ हजार १ सय ४३ जना निको भएका छन् ।

जिल्लामा हालसम्म ४ हजार १३ वटा स्वाव संकलन गरिएकोमा २ हजार ८ सय ११ नेगेटिभ र १ हजार २ सय २ पोजेटिभ आएको थियो ।