रसुवामा हालसम्म ९ सय ९५ जनामा कोरोना पुष्टि

रसुवा । रसुवामा ९ सय कोरोना संक्रमित निको भएका छन् ।

जिल्लामा रहेका संक्रमितमध्ये शुक्रबार ६३ जना संक्रमित निको भएसँगै निको हुनेको संख्या ९ सय पुगेको हो । रसुवामा हालसम्म ९ सय ९५ जनामा कोरोना पुष्टि भएको थियो । तथ्यांक अनुसार  संक्रमितमध्ये ९०.४५ प्रतिशत निको भएका छन् ।

जिल्लामा हाल ९४ जना सक्रिय कोरोना संक्रमित छन् ।  कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा १२, कालिकामा ७०, र उत्तरगयामा १२ जना रहेका छन् । संक्रमितहरूमध्ये ११ जना संस्थागत र ८३ जना होम आइसोलेसनमा बसेका छन् ।

जिल्लामा हालसम्म ३ हजार ५ सय ५१ वटा स्वाव संकलन गरिएकोमा २ हजार ५ सय ५६  नेगेटिभ र ९ सय ९५ पोजेटिभ आएको थियो ।