रसुवामा ६ सय ९६ जना कोरोनामुत्त भई घर फर्किए

रसुवा । रसुवामा  ६ सय ९६ जना कोरोना संक्रमित निको भएर घर फर्किएका छन् ।

जिल्लामा हालसम्म ३ हजार ४ सय ९ वटा स्वाव संकलन गरिएकोमा २ हजार ४ सय ७०  नेगेटिभ र ९ सय ३९ पोजेटिभ आएको थियो ।

रसुवामा सक्रिय कोरोना संक्रमितको संख्या २ सय ४२ पुगेको छ । शुक्रबार ८ जना संक्रमित थपिसँगै सक्रिय कोरोना संक्रमितको संख्या २ सय ४२ पुगेको हो । कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् ।

स्वास्थ्य कार्यालय रसुवाका अनुसार गोसाइँकुण्डमा ११, कालिकामा १ सय ७६, उत्तरगयामा ५२ र आमाछोदिङ्‍मोमा ३ जना रहेका छन् । संक्रमितहरूमध्ये १२ जना संस्थागत र २ सय ३० जना होम आइसोलेसनमा बसेका छन् ।