बेलकोटगढी र सुर्यगढीको विजयी शुरुवात

शिवपुरी । शिवपुरी अध्यक्ष गोल्डकप फुटबल प्रतियोगिता अन्तर्गत बिहिबारको खेलमा बेलकोटगढी नगरपालिका र सुर्यगढी गाउँपालिका विजयी भएका छन् ।

बिहिवार भएको दोस्रो खेलमा बेलकोटगढी नगरपालिकाले लिखु गाउँपालिकालाई ३–० गोल अन्तरले हराएको छ । बेलकोटढीको जीतमा अशोक नेपालले दुई गोल गरे । उनले खेलको २८ औं र ५२ औं मिनेटमा गोल गरे । उनी खेलको म्यान अफ द म्याच घोषित भए । टोलीको लागि अर्को गोल बिकेश लामाले निर्धारित समयपछि गरेका थिए । जीतसँगै बेलकोटगढीले समूह बि को खेलमा ३ अंक जोडेको छ ।

त्यसैगरी बिहिबार नै भएको तेस्रो खेलमा सुर्यगढी गाउँपालिकाले ककनी गाउँपालिकालाई ४–३ गोल अन्तरले पराजित गरेको छ । खेलमा सुरुवाती अग्रता भने ककनी गाउँपालिकाले लिएको थियो । खेलको ३० औं मिनेटमा विश्वास तामाङले गोल गर्दै ककनीलाई अग्रता दिलाए । तर त्यसको दुई मिनेटपछि सुर्यगढीका निशान श्रेष्ठले बराबरी गोल गरे ।

३६ औं मिनेटमा सुर्यगढीका कप्तान कुमार तामाङले फ्रि किक मार्पmत् सुन्दर गोल गर्दै आप्mनो टिमलाई अग्रता दिलाए । त्यसपछि निशान श्रेष्ठले ४४ औं मिनेट र रञ्जित तामाङले ४७ औं मिनेटमा गोल गर्दै सुर्यगढीलाई ४ १ को अग्रता दिलाए ।

त्यसपछि खेलमा फर्किन कोशिश गरेको ककनीका लागि सुशिल तामाङले खेलको ६८ औं मिनेट र सुरज श्रेष्ठले थप गरिएको समयमा गोल गरे पनि हार टार्न सकेनन् र खेल सुर्यगढीले ४–३ ले जित्न सफल भयो । खेलमा निशान श्रेष्ठ म्यान अफ द म्याच घोषित भए । यो जीतसँगै बेलकोटगढीले समूह बि को खेलमा ३ अंक जोडेको छ ।