रसुवामा १० जना कोरोना संक्रमित घर फर्किए

रसुवा । रसुवामा शुक्रबार थप एक जना कोरोना संक्रमित निको हुँदा एक जना थपिएका छन् ।

उनलाई अहिले नीलकण्ठ नमुना माविमा निर्माण गरिएको आइसोलेसनमा राखिएको जीवजीवे ग्रामीण अस्पतालका हेल्थ असिष्टेन्ट उत्सव पौडेलले बताए । त्यसैगरी शुक्रबार नै उत्तरगया गाउँपालिका–२ की २३ वर्षीय युवती कोरोना जितेर घर फर्किएकी छिन् । यही असार १३ गते जिल्लामा पहिलो पटक ९ जना कोरोना संक्रमित फेला परेका थिए ।

त्यसको केही दिनपछि उत्तरगयाकी एक जना महिलामा कोरोना संक्रमण पुष्टि भएको थियो । उनीहरू निको भएर डिस्चार्ज भइसकेका छन् । स्वास्थ्य तथा जनसंख्या मन्त्रालयका अनुसार भोजपुर, सोलुखुम्बु, धनकुटा, मुस्ताङ, हुम्ला र मनाङ कोरोना मुक्त भएका छन् । अब ७१ जिल्लामा कोरोना संक्रमित रहेका छन् ।