रसुवा हालसम्म कोरोनामुत्त, उच्च सर्तकता अपनाइयो

विदुर । हालसम्म रसुवा कोरोना मुत्त भएको छ ।

देशभरका ७४ जिल्लामा फैलिए पनि रसुवासँगै मुस्ताङ र ओखलढुङ्गामा अहिलेसम्म कोरोनाको संक्रमित नभेटिएको स्वास्थ्य तथा जनसंख्या मन्त्रालयले जनाएको छ । छिमेकी जिल्लाहरु नुवाकोट र धादिङमा कोरोना संक्रमित भेटिएसँगै रसुवा पनि कोरोनाको उच्च जोखिमा छ । रसुवाको छिमेकी जिल्ला नुवाकोटमा १५ जनामा कोरोना देखिएको छ भने ३ जना निको भएर घर फर्किसकेका छन । नुवाकोट र भादिङमा कोरोना संक्रमित देखिएसँगै रसुवामा उच्च सर्तकता अपनाईएको छ ।

देशभर यो समाचार तयार पार्दासम्म ७ हजार एकससय ७७ जनामा कोरोनाको संक्रमित भेटिएका छन भने एकहजार एकसय ६७ जना निको भएर घर गइसकेको मन्त्रालयले जनाएको छ । त्यस्तै कोरोनाको कारण नेपालमा २० जनाले ज्यान गुमाइसकेका छन ।