बंगबन्धु गोल्डकपमा नेपाल २–० ले पराजित

नुवाकोट असोज १७, पाँचौ संस्करणको बंगबन्धु गोल्डकपमा नेपाल ताजकिस्तानसँग दुई शून्य गोलान्तरले पराजित भएको छ ।

पहिलो खेलमा गत संस्करणको च्याम्पियन नेपाल ताजकिस्तानसँग दुई शून्यले हारेको हो । पहिलो हाफमा एक शून्यले पछाडी परेको नेपाल दोस्रो हाफमा पनि सम्हालिएर खेल्न नसक्दा अर्को गोल खान पुग्यो । नेपालले गोल गर्ने केही सुन्दर अवसर पाए पनि त्यसलाइृ सदुपयोग गर्न सकेन ।  गोल्डकपमा बंगलादेशले भने विजयी शुरुवात गरेको छ ।