बाढीमा परि ज्यान गुमाएका परिवारलार्ई तादी गाउँपालिकाको सहयोग

नुवाकोट, यहि असार १९ गते बाढीमा परि ज्यान गुमाएका तादी गाउँपालिका वडा नं २ का देबकृष्ण तामाङ र बिनोद तामाङका आफन्तलाई तादी गाउँपालिकाले आर्थिक सहयोग वितरण गरेको छ ।

सोमबार एक कार्यक्रमको आयोजना गरि गाउँपालिकाका अध्यक्ष नारायणप्रसाद पाण्डे , उपाध्यक्ष ईश्वरी उप्रेती  लगायतले मृतकका परिवारलाई सहयोग रकम हस्तान्तरण गरेका हुन । मृतकका परिवारलाई किरिया खर्च स्वरुप जनही २५ हजार रुपैयाँ वितरण गरिएको तादी गाउँपालिकाका अध्यक्ष नारायणप्रसाद पाण्डेले विदुरखबरलाई जानकारी दिए ।

यस्तै तादी गाउँपालिका वडा नं ५ की सम्झना तमाङ उच्च रक्तश्रावको कारण मृत्यु भएकोले जन्मिएको बालकको पालनपोषण तथा मृतको काजकिरिया खर्च स्वरुप उनका श्रीमान जितबहादुर तमाङलाई पनि २५ हजार रुपैयाँ वितरण गरिएको गाउँपालिकाकी उपप्रमुख उप्रेतीले जानकारी दिइन ।