स्याफ्रुबेसी–रसुवागढी सडक अझै संन्चालनमा आउन सकेन

नुवाकोट । बाढीले क्षति गरेको स्याफ्रुबेसी–रसुवागढी सडक अझै संन्चालनमा आउन सकेको छैन ।

सडक संन्चालनमा आउन नसक्दा यात्रुहरु भने पैदल यात्रा गर्न बाध्य भएका छन । चीनतर्फबाट लेन्देखोलामा आएको बाढीले कटान गरी बिगारेको यो सडक पुनर्निर्माण सम्पन्न गर्न अझै एक साता बढी लाग्ने देखिएको छ ।

टिमुरे,तातोपानी डाँडा,फ्याङलुङ र लिङलिङ चार स्थानमा नदीले कटान गरेको भागहरू निमार्ण भए पनि गोसाईंकुण्ड गाउँपालिका तीन स्थित मेदाङपुदुङमा भने अलिक जटिल भएकाले बढी समय लागेको गल्छी,त्रिशूली,मैलुङ,स्याफ्रुबेंसी–रसुवागढी सडक आयोजनाका इन्जिनियर रूपनारायण पौडेलले बताए ।

उनका अनुसार सडक निमार्णका क्रममा कडा चट्टान निस्किएकाले एउटा मात्र उपकरणको प्रयोगले काम छिटो गर्न नसके पनि काम भने नियमित भइरहेको छ ।

आयोजनाका अनुसार यही साउन १४ गते चीनबाट दोस्रो पटक लेन्देखोलामा आएको बाढीले पहिले भन्दा धेरै क्षति गरेको छ । करिब दुई किलोमिटर सडकमा क्षति पुगेको छ । ग

गत असार १४ गते आएको बाढीले उक्त सडक करिब एक किलोमिटरमा क्षति पुगेको थियो भने सामान्य मर्मतपछि साउन ४ गतेदेखि सडक एक तर्फी सञ्चालनमा आएको थियो ।