विदुर मेयर कप क्रिकेट : क्वाटरफाईनल आजदेखि शुरु

नुवाकोट । नुवाकोटको पिपलटार रंशालामा जारी प्रथम विदुर मेयर कप वडा स्तरीय टि–२० क्रिकेट प्रतियोगिताको क्वाटरफाईनलको खेल आजदेखि शुरु हुँदैछ ।

समुह ए बाट विजेताको रुपमा वडा नम्बर १२ र उपविजृेताको रुपमा वडा नम्बर ६ ले क्वाटरफाईनलमा स्थान सुरक्षित बनाएको छ । यस्तै समुह बि बाट विजेता बन्दै वडा नम्बर १ र उपविजेता भन्दै वडा नमबर ७ क्वाटरफाईनल प्रवेश गरेको छ ।

त्यस्तै समुह सि बाट विजेताको रुपमा वडा नम्बर ४ र उपविजेताको रुपमा वडा नम्बर ५ क्वाटरफाईनल प्रवेश गरेको छ । त्यस्तै समुह डि बाट वडा नम्बर ३ विजेता र वडा नम्बर २ उपविजेता भन्दै क्वाटरफाईनल प्रवेश गरेको हो ।

प्रतियोगिता अन्र्तगत पहिलो क्वाटरफाईनलमा बुधवार विहान वडा नम्बर ७ ले वडा नम्बर १२ सँग प्रतिष्पर्धा गर्नेछ । त्यस्तै दोस्रो क्वाटरफाईनलमा वडा नम्बर १ र वडा नम्बर ६ विच प्रतिष्पर्धा गर्नेछ ।

त्यस्तै तेस्रो क्वाटरफाईनलमा वडा नम्बर २ र वडा नम्बर ४ बिच प्रतिष्पर्धा हुने छ भने चौथो क्वाटफाईनलमा वडा नम्बर ३ ले वडा नम्बर ५ सँग खेल्ने तय भएको छ ।

प्रतियोगिताको विजेताले ५० हजार, उप विजेताले २५ हजार रुपैयाँ मेडल, ट्रफी र प्रमाणपत्र पाउने बताइएको छ

विदुर नगरपालिकाको आयोजना तथा नुवाकोट क्रिकेट संघको सहकार्यमा भएको प्रतियोगितामा विदुर नगरपालिकाका विभिन्न ११ वडाको सहभागिता रहेको छ ।