नुवाकोट जिल्ला लिग : बट्टार र ईनारपाटी क्वाटरफाईनल प्रवेश

नुवाकोट । बट्टार युथ क्लब र न्यु ईनारपाटी युवा क्लब नुवाकोटको बट्टारमा जारी नुवाकोट जिल्ला लिग फुटवल प्रतियोगिताको अन्तिम आठमा पुगेका छन् ।

समुह ए को अन्तिम खेलमा सोमवार बट्टार युथ क्बलले पिपलटार युथ क्लबलाई २–१ को गोल अन्तरले पराजित गरेपछि बट्टार युथ क्लब र न्यु ईनारपाटी युवा प्रतियोगिताको क्वाटरफाईनल प्रवेश गरेको हो ।

समुह ए बाट बट्टार युथ क्लब ६ अंकको साथ समुह विजेता बन्दै क्वाटरफाईनल प्रवेश गरेको हो भने तीन अंक हात पारेको ईनारपार्टी उप–विजेता बन्दै क्वाटरफाईनल पुगेको हो ।

पहिलो खेलमा बट्टारले ईनारपाटी युवा क्बललाई २–१ गोल अन्तरले पराजित गरेको थियो भने ईनारपाटीले पिपलटार फुटवल क्लबलाई १–० को झिनो गोल अन्तरले हराएको थियो ।

प्रतियोगिताको क्वाटरफाईनल पुगेको बट्टार युथ क्बलले समुह सि को उप–विजेतासँग प्रतिष्पर्धा गर्नेछ भने न्यु ईनारपाटी युवा क्लबले नुवाकोट युनाइटेड फुटवलसँग प्रतिष्पर्धा गर्नेछ ।

त्यस्तै पिपलटार फुटवल क्लबले रेलिगेसनबाट बच्न समुह सि को अन्तिम स्थानमा रहेको टिमसँग खेल्ने छ ।