पिपलटार फूटबल क्लब सेमिफाइनल प्रवेश

नुवाकोट । पिपलटार फूटबल क्लब नुवाकोटको बट्टारमा जारी नुवाकोट जिल्ला स्तरीय लिग क्वालिफाइड नकआउट फुटबल प्रतियोगितामा सेमिफाईनलमा प्रवेश गरेको छ ।

आईतवार विहान भएको खेलमा युनाईटेड युथ क्लव वट्टारलाई ४–० गोल अन्तरले पराजित गर्दै पिपलटार फूटबल क्लब सेमिफाइनल प्रवेश गरेको हो ।

पिपलटार फूटबल क्लबलाई जित दिलाउन प्रदिप हमालले ह्याट्रिक पुरा गरे । थप एक गोल सविन तामाङले गरेका थिए ।

जितसँगै सेमिफाईनल पुगेको पिपलटार फूटबल क्लबले फाईनल प्रवेशको लागि बट्टार युथ क्लब र आर्शिवाद युवा क्लबसँग मंगलवार खेल्ने छ ।
नुवाकोट फुटवल संघले आयोजना गरेको प्रतियोगितामा जिल्लाका विभिन्न १० क्लबहरुले सहभागिता जनाएका छन् ।

प्रतियोगिताको सेमिफाईनलमा पुग्ने टोली जिल्ला लिगमा प्रवेश गर्ने नुवाकोट फुटवल संघका अध्यक्ष देव नारायण चित्रकारले जानकारी दिए ।