एमाले रसुवा अधिवेशनको तयारीमा

रसुवा ।  नेकपा एमाले रसुवा जिल्ला अधिवेशनको तयारीमा जुटेको छ ।

आगामी वैशाख २२ गते धुन्चेमा भव्य रूपमा नवौँ जिल्ला अधिवेशन गर्न एमाले रसुवाले सिङ्गो पार्टी पङ्तिलाई परिचालन गरेको छ । पार्टीका तीन हजार एक सय नौजना सबंगठित सदस्यले नवीकरण गरेकोले नयाँ नेतृत्व चयन गर्ने यो अधिवेशनको उद्घाटन एमालेका अध्यक्ष एवम् पूर्व पधानमन्त्री केपी शर्मा ओलीले गर्ने कार्यक्रम रहेको छ ।

अधिवेशनलाई भव्य रूपमा सम्पन्न गर्न पार्टी अध्यक्ष कर्णेल लामाको संयोजकत्वमा एक हजार एक सदस्य रहेको मूल आयोजक कमिटी गठन गरिएको पार्टी सचिव जनार्दन ढकालले जानकारी दिए ।