रुसी सेनामा भर्ना भएका रसुवाका मोत्तान सहित ७ जनाको मृत्यु

रसुवा । रुसी फौजीमा भर्ना भएका रसुवाका एक जनासहित थप ७ नेपाली युवाको मृत्यु भएको छ ।

परराष्ट्र मन्त्रालयले बिहीबार एक प्रेस वक्तव्य जारी गर्दै पछिल्लोपटक युक्रेनसँगको युद्धका क्रममा रुसी सेनामा भर्ती भएका ७ नेपाली युवाको मृत्यु भएको पुष्टि गरेको हो।

परराष्ट्र मन्त्रालयका अनुसार मृत्यु हुनेमा रसुवाका सुन्दर मोक्तान रहेका छन् ।

त्यस्तै अन्यमा धादिङका पूर्णबहादुर गुरुङ, जाजरकोटका नवीन शाही, उदयपुरका पदमबहादुर घिमिरे, झापाका गंगाराम अधिकारी, बाग्लुङका जीतबहादुर बिक र बाँकेका सञ्जय केसी रहेका छन् ।