विदुर मेयर कप फुटवल प्रतियोगिता तीन दिन स¥र्यो

नुवाकोट । विदुर नगरपालिका र नुवाकोट फुटवल संघको आयोजनामा आगामी माघ १० गतेदेखि हुने भनिएको मेयर कप फुटवल प्रतियोगिता तीन दिन पर धकेलिएको छ ।

राष्ट्रिय सभाको निर्वाचनको कारण देखाउँदै आयोजकले प्रतियोगिता तीन दिन पर सारेको हो । विदुर नगरपालिकाका प्रवत्ता रविन्द्र नेपालका अनुसार राष्ट्रिय सभाको निर्वाचनको मतदान ११ गते परेकोले प्रतियोगिता माघ १३ गतेको लागि सारिएको हो ।

खेलकुदको माध्यमबाट स्वस्थ र अनुशासित युवा उत्पादन गर्ने उदेश्यका साथ अन्तरपालिका स्तरीय विदुर मेयरकप फुटवल प्रतियोगिता आयोजना गरेको विदुर नगरपालिकाले जानकारी दिएको छ ।

प्रतियोगिताको बिजेता ४ लाख ४ हजार ४ सय ४४ रुपैयाँ र उपबिजेताले २ लाख २ हजार २ सय २२ रुपैयाँ पुरस्कार पाउने विदुर नगरपालिकाका मेयर राजन श्रेष्ठले जानकारी दिए ।

प्रतियोगितामा उत्कृष्ट खेलाडी, उत्कृष्ठ गोलरक्षक, उदयमान खेलाडी, अनुशासित टिम, सर्बाधिक गोलकर्ता र म्यान अफ द म्याचले समेत पुरस्कार पाउने बताइएको छ ।

प्रतियोगितामा सहभागी जनाउन प्रत्यके टोलीले ५० हजार रुपैयाँ दर्ता शुल्क बुझाउनुपर्ने नुवाकोट जिल्ला फुटवल संघले जनाएको छ । खेल नुवाकोट आर्दश बहुमुखी क्याम्पसको खेल मैदान बट्टारमा हुने छ ।

प्रतियोगिताको उद्घाटन अर्थमन्त्रि डा प्रकाशशरण महतले गर्ने आयोजकले बताएको छ ।