रसुवाको धुन्चेमा माछापालन सम्बन्धी तालिम शुरु

रसुवा । रसुवामा आईतवारदेखि कृषकहरुका लागि माछा पालन सम्बन्धी तालिम शुरु भएको छ ।

पशु सेवा केन्द्र बागमती प्रदेश लगनखेल ललितपुरको आयोजना तथा रेम्न्बो ट्राउट मत्स्य अनुसन्धान केन्द्र धुन्चे रसुवाको सहजीकरणमा तालिम शुरु भएको हो ।

तालिममा रसुवा नुवाकोटसहित बाग्मति प्रदेशको सात जिल्लाका १८ जना माछा पालक कृषकहरुको उपस्थिति रहेको छ । तालिम आगामी आईतवारसम्म संचालन हुने आयोजकले जनाएको छ ।

रेन्बो ट्राउट माछा पालन गरिरहेका कृषकहरूमा थप निखरता आअ‍ोस भन्ने उदेश्यले तालिमको आयोजना गरिएको आयोजक संस्था पशु सेवा केन्द्र बागमती प्रदेश लगनखेलले जानकारी दिएको छ ।

तालिममा रेम्बो ट्राउट माछाको सम्भाव्यता अध्ययन, दाना व्यवस्थापन,माछा प्रजनन,रोग व्यवस्थापन व्यवस्थापन सम्वन्घि सैद्धान्तिक र प्रयोगात्मक ज्ञान सिपको जानकारी गराइएको वैज्ञानिक एस १ महेन्द्र प्रसाद भण्डारीले जानकारी दिए ।

ट्राउट माछा पालनका लागि मध्य पहाड र हिमालबाट बगी आउने सफा कन्चन निरन्तर बगिरहने खोला नाला मूलको पनि १४ देखि १८ डिग्री सेल्सेसको तापक्रम भएको उपयुक्त हुने कार्यक्रममा जानकारी दिइएको थियो ।