नुवाकोट क्रिकेट संघमा पुन : दुर्गाराज पाठक

नुवाकोट । नुवाकोट क्रिकेट संघको अध्यक्षमा पुन ः दुर्गाराज पाठक निर्वाचित भएका छन् ।

आईतवार भएको संघको वार्षिक साधारणसभा तथा चौथो अधिवेशनले पुन पाठकको नेतृत्वमा नयाँ कार्य समिति चयन गरेको हो ।
अधिवेशनले उपाध्यक्ष र कोषाध्यक्ष वाहेक सबै पदमा निर्विरोध कार्य समिति चयन गरेको हो । संघको उपाध्यक्षमा विष्णु प्याकुरेल निर्वाचित भएका छन् ।

सचिवमा करण खतिवडा रहेका छन् भने कोषाध्यक्षमा राजेन्द्र पनेरु निर्वाचित भएको निर्वाचन समितिले जानकारी दिएको छ ।

सदस्यहरुमा सुरज सिलवाल, अनुजमान श्रेष्ठ, प्रज्जवल सापकोटा, उपेन्द्र देबकोटा, केशब मिश्र, पारस अधिकारी, ओमप्रकाश श्रेष्ठ र रामधन ढकाल सर्बसम्मत निर्वाचित भएका छन् ।

केन्द्र र प्रदेश समितिको निर्वाचन नजिकिए पनि प्रतिनिधि भने तोक्न बाँकी रहेको छ ।