रसुवाको कालिकामा ग्लोबल आइएमइ बैंककाे एटिएम सेवा सुरू

रसुवा । कालिका गाउँपालिका-२ काे घुम्ती बजारमा रहेकाे ग्लोबल आइएमइ बैंककाे शाखाले एटिएम सेवा सुरू गरेकाे छ ।

कालिकास्थान र घुम्ती बजारमा कुनैपनि बैंककाे एटिएम सेवा थिएन । यत्राे बजारमा नभएकाे एटिएम सेवा सुरू भएपछि दैनिक काराेवारमा सहज हुने ग्राहकले बताएका छन् ।

कालिका गाउँपालिका अध्यक्ष हरिकृष्ण देवकाेटाले मंगलबार रिवन काटेर सेवाकाे उद्घाटन गरे । उनले एटिएम प्रयाेग गरेर पहिलाे काराेवार समेत गरे ।

ग्लोबल आइएमइ बैंकलेको २७१ औं शाखाकाे रूपमा कालिकास्थानमा एटिएम सेवाकाे सुरूवात भएकाे बैंक शाखा प्रमुख राेकेश शर्माले बताए  ।

कालिकास्थान क्षेत्रमा ग्लोबल आइएमइ, राष्ट्रिय बाणिज्य, लुम्बिनी विकस, प्राइम बैंक र आइसिएफसी फाइनान्सका शाखा छन् ।