दोलखामा माओवादी केन्द्रका गंगा कार्की विजयी

विदुर खबर २०७९ मंसिर १९ गते १०:१०

नुवाकोट । दोलखामा प्रतिनिधि सभा सदस्यमा माओवादी केन्द्रका गंगा कार्की विजयी भएका छन्।

कार्कीले एमाले उम्मेद्वार बालकृष्ण शिवाकोटीलाई ३ सय १८ मतान्तरले पराजित गरेका हुन्। कार्कीले ३६ हजार ७९९ मत ल्याउँदा एमालेका सिवाकोटीले ३६ हजार ४८९ मत ल्याएका छन्।

अहिले समानुपातिककाे गणना भइरहेकाे छ । समानुपातिककाे मतपेटिकामा प्रत्यक्षकाे मतपत्र भेटिए पनि गणना गर्ने निर्णय सर्वदलीय बैठकमा भएका कारण जितकाे अन्तरकाे अंक केही तल माथि पर्न सक्ने मुख्य निर्वाचन अधिकृतको कार्यालयका एक कर्मचारीले बताए ।