पातन्जल योग समिति नुवाकोटद्धारा आयोजित तिज विशेष कार्यक्रम सम्पन्न

नुवाकोट । हिन्दु महिलाहरुको महान पर्व हरितालिका तिजको अवसर पारेर पातन्जल योग समिति नुवाकोटले तिज विशेष सांस्कृतिक कार्यक्रम सम्पन्न गरेको छ ।

पातन्जल योग समिति नुवाकोटको बट्टारमा रहेको योगहलमा सम्पन्न तिज विशेष सास्कृतिक कार्यक्रम सम्पन्न भएको हो ।

संस्कृतिको जगेर्ना गर्ने र सामाजिक सद्भाव कायम गर्न तिज विशेष सांस्कृतिक कार्यक्रम आयोजना गरिएको पातन्जल योग समिति नुवाकोटका अध्यक्ष तुलसी दवाडीले जानकारी दिए ।

यस्तै चाडपर्वलाई भड्किलो गरी मनाउने परिपाटि बढेको भन्दै त्यसलाई रोक्ने जिम्मेवारी प्रत्येक नागरिकको भएकोमा पातन्जल योग समितिले आफ्ना साधक साधिकाहरुलाई दर खुवाउने कार्यक्रम आयोजना गरेको पातन्जल योग समिति बाग्मति प्रदेशका संयोजक उद्धव थापाले बताए ।

कार्यक्रममा विभिन्न सरोकारवालाहरुको उपस्थिति रहेको थियो ।