नुवाकोटको थानापतिबाट रवि लामिछानेद्धारा विरामीको उद्धार

नुवाकोट । रााष्ट्रिय स्वतन्त्र पार्टीका संयोजक रवि लामिछालेले नुवाकोटको शिवपुरी गाउँपालिका वडा नम्बर ८ थानापतिबाट एक खुट्टा भाचिएका युवकको रबि उद्धार गरेका छन् ।

नुवाकोटमा आईतवार राष्ट्रिय स्वतन्त्र पार्टीको कार्यक्रम सकेर काठमाडौ जाने क्रममा छहरे–टोखा सडकखण्डमा सवारीसाधन नपाएर तड़पिरहेका युवकको आफन्तजनको अनुरोध पश्चात् घाइते युवकको लामिछानेले उद्धार गरेका हुन् ।

थानापतिस्थित स्थानीय डिलबहादुर तामाङका ११ वर्षीय छोरा लुली तामाङको रबि लामिछाने र दिपक बोहरा लगायतको समूहले उद्धार गरेको हो । खुट्टा भाचिएका तामाङको हाल महाराजगन्ज स्थित शिक्षण अस्पतालमा उपचार भैरहेको बताइएको छ ।

पछिल्लो समय छहरे–टोखा सडक खण्डमा रुटगत सवारीसाधन दिउँसो २ बजेदेखि नचल्ने भएपछि स्थानीयले यस्को मार खेप्दै आइरहेका छन ।