विदुर नगर कार्यपालिकाको निर्वाचनमा एमालेको प्यानल नै विजयी

नुवाकोट । विदुर नगर कार्य पालिकाको निर्वाचनमा नेकपा एमालेको प्यानल नै विजयी भएका छन् ।

केही वेरअघि सम्पन्न भएको निर्वाचनमा गठबन्धन दलका उम्मेद्धवारलाई भारी मतले पराजित गरि एमालेको प्यानल नै विजयी भएको हो ।

विजयी हुनेहरुमा बिन्दा तिमल्सिना, सबु मिजार, साबित्री राई, इन्दिरा मिजार र राधिका तामाङ रहेका छन् ।

यस्तै विजयी हुने अन्यमा दिपक कुमाल, सिताराम मिजार र शिववहादुर विश्वकर्मा रहेको निर्वाचन कार्यालयले जनाएको छ ।

यससँगै विदुर नगर कार्यपालिकमा नेकपा एमालेको बहुमत पुगेको छ । नगर कार्यपालिकाको २३ सदस्यीय कार्यसमितिमा एमालेको १३ र गठबन्धनमा रहेका कांग्रेसको ६ र माओवादी केन्द्रको ४ सहित १० सिट रहेको छ ।

नुवाकोटको सदरमुकाम समेत भएकोले विदुर नगर कार्यपालिकाको निर्वाचनलाई सबैले चासोका साथ हेरका छन् ।