विदुर २ मा एमालेको तर्फबाट वडाध्यक्षमा कायस्थले चुनाव लड्ने

नुवाकोट । स्थानिय तहको निर्वाचन आउँन करिव २३ दिन बाँकी रहदा नुवाकोटको विदुर नगरपालिकामा चुनावी सरगर्मी बढेको छ ।

नुवाकोटमा विशेष चासोको साथ हेरिएको विदुर नगरपालिका कुन पार्टीले कब्जा गर्ने हो भन्ने चर्चा अहिले जिल्लाको चोकचोकm चिया पसल र कुनाकाप्चामा सुन्न सकिन्छ ।

यसैक्रममा विदुर नगरपालिका वडा नम्बर २ मा नेकपा एमालेले वडाध्यक्षमा दिपक कायस्थको नाम सिफारिस गरेको छ । व्यवसायसँगै राजनितिमा होमिएका कायस्थले शालिन नेताको रुपमा परिचय दिँदै आएका छन् ।

नुवाकोट उद्योग वाणिज्य संघका पुर्व महासचिव समेत रहेका कायस्थ व्यवसायमा समेत जमिसकेका युवा हुन् ।

२०७४ सालमा सम्पन्न भएको स्थानिय निर्वाचनमा विदुर २ मा एमालेका उम्मेद्धवारलाई पराजित गरि कांग्रेसका विरेन्द्रकुमार शाही विजयी भएका थिए ।

जिल्लामा गठबन्धनको चर्चा चलिरहँदा उनले गठबन्धनका उम्मेद्धवारलाई कडा टक्कर दिने आँकलन गरिएको छ । बट्टारका स्थानिय समेत रहेका उनले सबैको मत जित्ने विश्वास नेकपा एमालले लिएको छ ।