डब्लूएचआर बाग्मति प्रदेश अध्यक्षमा नुवाकोटकी पौडेल

नुवाकोट । मानव अधिकारको लागि महिला, एकल महिला समूह (डब्लूएचआर) को बाग्मति प्रदेश अध्यक्षमा नुवाकोटकी देवकी पौडेल चयन भएकी हुनुभएको छ ।

शुक्रवार काठमाण्डौमा भएको अधिवेशनले पौडेललाई अध्यक्षमा निर्विरोध निर्वाचित गरेको हो ।अध्यक्षमा निर्वाचित भएकी अध्यक्ष पौडेल यसअघि बाग्मति प्रदेशकै उपाध्यक्ष रहनुभएको थियो ।

सशस्त्र द्वन्द्वका बेला नेपाली सेनामा कार्यरत श्रीमानको मृत्यु भएपछि पौडेलले आफूजस्तै एकल महिलाहरुलाई संगठित गरी नुवाकोटमा डब्लूएचआरलाई क्रियाशील बनाउँदै आउनुभएको थियो ।