नुवाकोटमा संगठन विस्तारमा केन्द्रित हुँदै एकिकृत समाजवादी

नुवाकोट । नुवाकोटको विभिन्न स्थानिय तहमा नेकपा एकीकृत समाजवादीले संगठन विस्तारलाई तिव्रता दिएको छ ।

संगठन विस्तार अभियान अन्तर्गत शनिवार विदुर, वेलकोटगढि, पन्चकन्या र शिवपुरि गाउँपालिकामा वडा स्तरिय कमिटिहरु गठन गरिएको छ । पन्चकन्या गाउँपालिका वडा नम्बर ५ मा रमेश सिटौलाको नेतृत्वमा कार्यसमिति गठन गरिएको छ । उपाध्यक्षमा केशव गिरि, कान्छि तामाङ र हित वहादुर तामाङ चयन भएका छन् । वसन्त पाण्डे सचिव रहेको कमिटि ३१ सदस्यिय बनेको छ ।
कार्यक्रममा पार्टी उपाध्यक्ष शान्ता थापा अधिकारी, प्रदेश कमिटि सदस्य राजेश थापा, नेताहरु श्रीकृष्ण खतिवडा, लेखप्रसाद वोहरा लगाएतका नेताहरुको उपस्थिति रहेको थियो ।

त्यसैगगरि शिवपुरी गाँउपालिका वडा नम्बर ३ मा विष्णु तामाङको अध्यक्षतामा २१ सदस्यिय वडा कमिटि गठन भएको छ ।
उपाध्यक्षमा शक्कुल थापा, विमला वस्नेत र वीर वहादुर तामाङ चयन भएका छन । सचिवमा मनोज पौडेल र उप–सचिवमा प्रकाश के.सि चयन भएका छन।

त्यसैगरि शिवपुरी वडा नम्बर ३ मानै युवा संघ वडा कमिटिको संयोजक प्रकाश केसि सहसंयोजक पुरुषोत्तम थापा र सरिता तामङ सचिव रहेको ११ सदस्यिय वडा कमिटि गठन भएको हो छ । कार्यक्रममा पार्टी सचिव पदम उप्रेती लगायतको उपस्थितिमा नेपाली कांग्रेसका ३० जना नेता तथा कार्यकता नेकपा एस प्रवेश गरेका थिए ।

यसैगरि विदुर नगरपालिका वडा नम्बर ९ मा वडा पनि वडा कमिटि निर्माण भएको छ । कमिटिको ईन्चार्जमा रामशरण रिजाल अध्यक्ष धनकुमारि रिजाल र सचिवमा अस्मिता खड्का रिजाल रहेको ३१ सदस्यिय वडा कमिटि गठन गरिएको छ ।

त्यस्तै वेलबोटगढि नगरपालिका वडा नम्बर १२ मा एसको वडा कमिटि निर्माण गरिएकोे छ । कमिटिको अध्यक्षमा दिपक शेखर रैला, उपाध्यक्षमा रामप्रसाद पाण्डे, कृष्ण वहादुर पाण्डे र सचिवमा सरिता लोहनि सिलवाल चयन भएका छन् ।