रसुवामा सक्रिय कोरोना संक्रमितको संख्या १ सय ४५ पुग्यो

रसुवा । रसुवामा सक्रिय कोरोना संक्रमितको संख्या १ सय ४५ पुगेको छ ।

शनिबार १ जना संक्रमित थपिएसँगै सक्रिय संक्रमितको सङ्ख्या १ सय ४५ पुगेको हो । 

स्वास्थ्य कार्यालय रसुवाका अनुसार कालिका गाउँपालिकामा ६०, गोसाइकुण्डमा २८, उत्तरगयामा ४८, नौकुण्डमा ४ र आमाछोदिङ्‍मिोमा २ जना संक्रमित रहेका छन् ।  सबै संक्रमित होम आइसोलेसनमा बसेका छन् । 

रसुवामा हालसम्म १ हजार ५ सय ३९ जनामा कोरोना पुष्टि भएको थियो । जसमा १ हजार ३ सय ९५ जना निको भएका छन् । जिल्लामा हालसम्म ५ हजार २ सय २८ वटा स्वाव संकलन गरिएकोमा ३ हजार ६ सय ८९ नेगेटिभ र १ हजार ५ सय ३९ पोजेटिभ आएको थियो ।