नेकपा एमाले नुवाकोटका सबै पदाधिकारी निर्विरोध

नुवाकोट । नेकपा एमाले नुवाकोटको सातौँ जिल्ला अधिवेशनबाट बद्री मैनालीको नेतृत्वमा १०५ सदस्यीय जिल्ला कमिटी सर्वसम्मत निर्वाचित भएको छ ।

बट्टारमा भएको नेकपा एमालेको सातौँ जिल्ला अधिवेशनले जिल्ला कार्यसमितिका पदाधिकारीहरुको टुङगो लगाएको हो ।

अध्यक्षमा बद्री मैनाली निर्वाचित हुँदा उपाध्यक्षमा बुद्धिबहादुर प्रधान र सचिवमा सुदर्शन नेपाल चयन भएका छन् ।

यस्तै उपसचिवमा काशिराज अधिकारी र निलकण्ठ आचार्य निर्वाचित भएको नेकपा एमाले नुवाकोटले जनाकारी दिएको छ ।