नुवाकोटमा जिल्ला लिग फुटवल प्रतियोगिता शुरु, उद्घाटन खेलमा न्यु भिजन विजयी

नुवाकोट । नुवाकोट फुटवल संघको आयोजनामा बुधबारदेखि जिल्ला लिग फुटवल प्रतियोगिता शुरु भएको छ ।

नुवाकोट आर्दश बहुमुखी क्याम्पसको खेल मैदान बट्टारमा शुरु भएको प्रतियोगिताको उद्घाटन खेलमा न्यु भिजन युथ क्लब रातमाटेले विजयी शुरुवात गरेको छ ।

नुवाकोट आर्दश बहुमुखी क्याम्पस बट्टारमा भएको खेलमा देविघाट जालपा क्लबलाई १–० गोल अन्तरले पराजित गर्दे न्युज भिजनले विजयी शुरुवात गरेको छ । न्यु भिजनको लागि खेलको ६५ औ मिनेटमा राजेन्द्र लामाले गोल गर्दै टोलीलाई जित दिलाएका हुन् ।

खेलमा निर्णायक गोल गरेका राजेन्द्र नै म्यान अफ दि म्याच घोषित भए । उनले म्यान अफ दि म्याच भएवापत टफ«ी प्राप्त गरे । जितसँगै सहुम ए मा रहेको न्यु भिजन युथ क्लबले ३ अंक जोडेको छ ।

प्रतियोगिता अन्र्तगत बिहिबार तीन खेल हुनेछन । बिहिबारको पहिलो खेलमा युनिक व्वाईजविरुद्ध थ्रिडी युवा क्लबले खेल्नेछ भने दोस्रो खेलमा कोलनी युथ सर्कलविरुद्ध पिपलटार फुटवल क्लबले प्रतिष्पर्धा गर्नेछ ।

त्यस्तै तेस्रो खेलमा डिफेन्डिङ च्याम्पीयन नुवाकोट युनाइटेड फुटवल क्लबले तप्त युवा क्लबसँग प्रतिष्पर्धा गर्नेछ ।

१० क्लबले सहभागिता जनाएको प्रतियोगिता लिगकम नकआउटका आधारमा संचालन हुने नुवाकोट फुटवल संघका अध्यक्ष दिपक चित्रकारले बताए । १० क्लबलाई दुई समुह बनाईको छ ।

समुहका विजेता र उपविजेता सेमिफाइनल प्रवेश गर्ने नुवाकोट फुटवल संघका माहासचिव विष्णु चालिसेले जानकारी दिए ।