नुवाकोट युनाइटेड फुटबल क्लब दोस्रो चरणमा प्रवेश

नुवाकोट । नुवाकोटको नुवाकोट युनाइटेड फुटवल क्लब राजधानीमा जारी सहिद स्मारक सि डिभिजन लिग छनोटको दोस्रो चरणमा प्रवेश गरेको छ ।

बुधवार भएको खेलमा अमरसिंह फुटवल क्लबलाई २–१ गोल अन्तरले पराजित गर्दै नुवाकोट क्लब दोस्रो चरणमा प्रवेश गरेको हो ।

खेलमा नुवाकोट युनाइटेड फुटबल क्लबको तर्फबाट रामकाजी कुमाल र साहिल नगरकोटिले गोल गरेका थिए ।

पराजित टोली अमरसिंह क्लबको तर्फबाट बिजय श्रेष्ठले गोल गरेपनि टोलीको हार टार्न सकेनन् । खेलको म्यान अफ म्याच नुवाकोट युनाइटेड फुटवल क्लबका रामकाजी कुमाल घोसित भए ।

अघिल्लो चरण प्रवेश गरेको नुवाकोट युनाइटेड फुटवल क्लबले पहिलो खेलमा गोकर्णेश्वर फुटबल क्लबलाई २–० ले पराजित गर्दे शानदार शुरुवात गरेको थियो ।

दुई खेलबाट दुई नै जित निकाल्दै नुवाकोट युनाइटेड फुटवल क्लबले ६ अंक जोडेर समुह समुह वाईको शिर्ष स्थानमा रहदै दोस्रो चरणको यात्रा तय गरेको हो ।

अब दोस्रो चरणमा नुवाकोट युनाइटेड फुटवल क्लबले समुह युको विजेतासँग प्रतिष्पर्धा गर्नेछ ।