रसुवामा १ हजार २ सय ४७ जना काेराेनामुत्त

रसुवा । रसुवामा १ हजार २ सय ४७ जना कोरोना संक्रमित निको भएका छन् ।

जिल्लामा रहेका संक्रमितमध्ये बुधबार ७ जना संक्रमित निको भएसँगै निको हुनेको संख्या १ हजार २ सय ४७ पुगेको हो । रसुवामा हालसम्म १ हजार २ सय ८१ जनामा कोरोना पुष्टि भएको थियो । तथ्यांक अनुसार  संक्रमितमध्ये ९७.३४ प्रतिशत निको भएका छन् ।

जिल्लामा हाल ३२ जना सक्रिय कोरोना संक्रमित छन् । स्वास्थ्य कार्यालय रसुवाका अनुसार गोसाइँकुण्डमा ९, उत्तरगया ५ र कालिकामा १८ जना रहेका छन् । संक्रमितहरूमध्ये ५ जना संस्थागत र २७ होम आइसोलेसनमा बसेका छन् ।

जिल्लामा हालसम्म ४ हजार ३ सय ५ वटा स्वाव संकलन गरिएकोमा ३ हजार २४  नेगेटिभ र १ हजार २ सय ८१ पोजेटिभ आएको थियो ।