रसुवामा माथिबाट झरेको ढुंगाले लाग्दा एक जना गम्भीर घाइते

रसुवा । रसुवाको पर्यटकीय क्षेत्र लाङटाङ गएर फर्कने क्रममा माथिबाट झरेको ढुंगाले लाग्दा एक जना गम्भीर घाइते भएका छन् ।

घाइते हुनेमा धादिङका करिब ४५ वर्षका राजु लामा रहेका छन् । लामाहोटल र स्याफ्रको बीचमा पर्ने रिमिचे भन्ने स्थानमा शनिबार दिउासो एक बजेतिर झरेको ढुंगाले लाग्दा लामा गम्भीर घाइते भएका हुन् ।

घाइतेको उद्धारको लागि स्याफ्रुबेसी र ठुलोस्याफ्रुबाट नेपाल प्रहरीको टोली घटनास्थलमा गइसकेको छ । खराब मौसमका कारण हेलिकप्टर आउन सक्ने अवस्था नभएको प्रहरी नायव उपरीक्षक देवेन्द्र पाण्डेले बताए ।

केही दिन अघि धादिङका तीन जना लाङटाङ गएका गएका थिए ।