रसुवामा कोरोना संक्रमितको संख्या १ हजार २ सय १२ पुग्यो

रसुवा । रसुवामा १ हजार १ सय ६८ जना कोरोना संक्रमित निको भएका छन् ।

जिल्लामा रहेका संक्रमितमध्ये बिहीबार २५ जना संक्रमित निको भएसँगै निको हुनेको संख्या १ हजार १ सय ६८  पुगेको हो । रसुवामा हालसम्म १ हजार २ सय १२ जनामा कोरोना पुष्टि भएको थियो । तथ्यांक अनुसार  संक्रमितमध्ये ९६.३६ प्रतिशत निको भएका छन् ।

जिल्लामा हाल ४३ जना सक्रिय कोरोना संक्रमित छन् ।  कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका थिए ।

स्वास्थ्य कार्यालय रसुवाका अनुसार गोसाइँकुण्डमा ५, उत्तरगयामा १५ र कालिकामा २३ जना रहेका छन् । सबै संक्रमितहरूमध्य १ जना संस्थागत र ४२ होम आइसोलेसनमा बसेका छन् ।

जिल्लामा हालसम्म ४ हजार ३५ वटा स्वाव संकलन गरिएकोमा २ हजार ८ सय २३  नेगेटिभ र १ हजार २ सय १२ पोजेटिभ आएको थियो ।